covid 19 with mosquitoes

ప్రపంచంతో కరోనా వైరస్‌ 20-20 ఆడుకుంటోంది‌. రోజు రోజుకూ తన వ్యాప్తిని పెంచుకుంటూ భయపెడుతోంది. మరి ఈ మహమ్మారి వ్యాప్తి ఎలా జరుగుతోంది. ఎన్ని జాగ్రత్తలు తీసుకున్నా.. జనం వైరస్ బారిన ఎలా పడుతున్నారు..? అనే సందేహాలు అందరిలో వ్యక్తమౌతున్నాయి. ఇప్పటికే చాలా మంది చనిపోతున్నారు. లక్షలాది సంఖ్యలో వైరస్ బారిన పడుతూ.. చావుతో కొట్టుమిట్టాడుతున్నారు. కంటికి కనిపించని కరోనాకు మందు కనిపెట్టే ప్రయత్నాలు జరుగుతున్నాయి. కరోనా పేరు చెబితేనే…ప్రజలు దడుసుకొనే పరిస్థితి నెలకొంది. ప్రపంచ వ్యాప్తంగా కరోనా వైరస్ బాధితుల సంఖ్య 97 లక్షలు దాటిందంటే ఎలాంటి పరిస్థితి నెలకొందో అర్థం చేసుకోవచ్చు.

అయితే.. దీనిపై సోషల్ మీడియాలో పుకార్లు షికార్లు చేస్తున్నాయి. కరోనా వైరస్ ఇలా కూడా రావొచ్చు అనే వార్తలు చక్కర్లు కొడుతున్నాయి. ప్రస్తుతం వానాకాలం కావడంతో దోమల వల్ల కరోనా వస్తుందా అనే డౌట్స్ వినిపిస్తున్నాయి. దీనిపై ఐఎస్ఎస్ (ఇటలీస్ నేషనల్ హెల్త్ ఇన్సిట్యూట్) శాస్త్రీయ అధ్యయనం చేసింది. మానవుల్లో దోమలు కరోనా వైరస్ వ్యాప్తి చేయదని నిర్ధారించారు. దీనిపై ప్రపంచ ఆరోగ్య సంస్థ కూడా స్పందించింది. రక్తం పీల్చే కీటకాల ద్వారా..వైరస్ వ్యాప్తి చెందుతుందనడానికి ఎలాంటి ఆధారాలు లేవని వెల్లడించింది. దోమలు మానవుడిని కుట్టిన సమయంలో… డెంగ్యూ, కోవిడ్ ను వ్యాప్తి చేయలేదని తెలిపింది. కరోనాతో కోలుకున్న 30 శాతం మంది ఊపిరితిత్తుల సమస్యలతో బాధ పడుతున్నారని, ఈ సమస్య కారణంగా ఎప్పుడూ అలసిపోతారని వెల్లడించింది. వ్యాక్సిన్ వచ్చే వరకు ప్రజలు అప్రమత్తంగా ఉండాల్సిన అవసరం ఉందని, తగిన జాగ్రత్తలు తీసుకోవాలని సూచించింది.

2 Comments

Leave a Reply

Your email address will not be published. Required fields are marked *